Eskafandra autonomoa duen urpekaritzako erdi-mailako kirol-teknikariaren titulazioak (TD) hasierako ziklo batek (TDI) eta amaierako beste ziklo batek (TD II) osatzen dute.

Bi ikasturteetan, kirol-urpekaritzaren esparruan beharrezkoak diren gaitasun profesionalak eskuratzen dira.

TD I gaitasunak (laburpena):

• Urpekaritza deskubritzeko jarduerak egitea (bataioak).
• Urpekaritza-taldeak koordinatzea eta uretan urpekariak gidatzea.
• Urpekaritza-tresneria eta botilen karga kudeatzea.
• Ikastaro eta lehiaketetako laguntza- eta segurtasun-urpekaria.
• Klub eta urpekaritza-zentroetako urpekaritza-jardueren koordinazioko laguntzailea.

TD II gaitasunak (laburpena):

• TD I-ari dagozkionak.
• Kirol-urpekaritzako prestakuntza antolatzea, ematea eta ziurtatzea.

Norentzat da?

• Beren prestakuntza kirol-urpekaritzaren alderdi profesionalera zabaldu nahi duten kirol-urpekarientzako, eskafandra autonomoa duen kirol-urpekaritzako kirol-teknikariaren titulazio ofiziala eskuratuz.
• Urpekaritza taldeetako gidentzako edo irakasleentzako, urpekaritzako kirol-teknikariaren titulazio ofiziala eskuratu ahal izateko, prestakuntza sendotzeko eta jarduera arautzeko.

Bi zikloak honela egituratuko dira: bloke komuneko zati bat (kirol-prestakuntza generikoa), bloke espezifikoko beste bat (kirol-urpekaritzako prestakuntza) eta praktiketako hirugarren bat (urpekaritza-zentroetan edo kirol-klubetan).

Hauek dira eskafandra autonomoa duen kirol-urpekaritzako erdi-mailako kirol-teknikariaren titulaziorako arau-erreferentzia nagusiak:

• 932/2010 Errege Dekretua, uztailaren 23koa, Eskafandra autonomoa duen kirol-urpekaritzako kirol-teknikariaren titulua ezarri eta gutxieneko irakaskuntzak eta sartzeko baldintzak finkatzen dituena.
• EDU/2450/2011 Ordena, irailaren 5ekoa, Eskafandra autonomoa duen kirol-urpekaritzako kirol-teknikariaren tituluari dagozkio