Oinarrizko kiroleko eta jolas-kiroleko kirol-hastapenaren esparruan jardungo du . Teknikari horrek eskubaloiarekin lotutako erakunde publiko edo pribatu baten barruan jardungo du beti .

Hauek dira eginkizunak bete ditzaketen erakunde edo enpresa motak :

• Kirol-hastapeneko eskolak eta ikastetxeak
• Kirol klub eta elkarteak
• Kirol federazioak
• Kirol patronatuak
• Kirol-zerbitzuetako enpresak
• Ikastetxeak ( eskolaz kanpoko jarduerak )

Teknikari honek berea baino goragoko mailako teknikari eta/edo profesionalen ikuskapen orokorraren pean jarduten du, eta honako erantzukizun hauek eskatzen zaizkio:

• Eskubaloiaren irakaskuntza eta entrenamendua, kirolariak oinarrizko ezagutza teknikoak eta taktikoak lortu arte.
• Irakaskuntza egiteko helburu, bitarteko, metodo eta material egokienak aukeratzea.
• Kirol-irakaskuntzako prozesuaren ebaluazioa eta kontrola.
• Kirolariei eskubaloiaren praktikarekin lotutako alderdiei buruzko aholkularitza.
• Kirolariak edo taldeak laguntzea eta dinamizatzea kirol-jarduera garatzen den bitartean.
• Taldearen segurtasuna jarduera garatu bitartean.
• Lehen laguntzak ematea medikurik gabeko istripu edo gaixotasunen kasuan.
• Kirol-erakundeko arduradunak emandako jarraibide orokorrak betetzea.