Eskubaloia
FAQ
  • Kirolenen egin behar al dut sarbide-proba, ikasketak bertan egin nahi baditut?

  • Ez, sarbide-proba gainditu izanaren edozein ziurtagirik estatu-mailako balioa du proba gainditu eta 18 hilabeteko epean, eta gehien komeni zaizun lekuan egin ditzakezu ikasketak, sarbide-proba non egin duzun alde batera utzita. Egia da, halaber, ikastetxeek probak egin eta berehala irekitzen dituztela matrikulazio-aldiak, eta, oro har, zuzenean ematen diete informazioa probetan parte hartu dutenei.

 
  • Zenbat denbora irauten du sarbide-proba gainditu izanaren ziurtagiriak?

  • Sarbide-probaren baliozkotasunak 18 hilabete irauten du.

 
  • Noiz deitzen dira sarrera-probak?
  • Kirolenen, Eusko Jaurlaritzak deitzen ditu sarbide-probak. Eskubaloiko modalitatean eta kirol kolektiboetan, sarbide-probak ekaineko eta iraileko lehen hamabostaldian egiten dira. Modalitateko erdi-mailako hasierako ziklora sartzeko probak baino ez dira egin behar. Ez da naturako kiroletan bezala, non sarbide-proba bat behar baita maila bakoitza ikasi aurretik. Izen-ematea Kiroleneko webguneko Sarbide probak menuan egingo da.
 
 
  • Zer da bloke komuna, osagarria, espezifikoa eta praktikoa?
  • Taldeko kirolen prestakuntza-maila bakoitza 3 multzok osatzen dute. Bloke komuna kirol guztietarako komuna da. Bertan, kirol-dinamiken oinarrizko ezagutzak eskuratzen dira, hala nola kirol-entrenamendua, fisiologia eta anatomia, psikopedagogia, soziologia eta kirol-antolaketa eta -legeria. Bloke espezifikoak, izenak berak dioen bezala, taldeko kiroletan hautatutako diziplinaren eduki zehatzei egiten die erreferentzia (joko-arauak, teknika, taktika, metodologia, garapen profesionala, taldeen zuzendaritza, prestakuntza fisikoa, kirol-segurtasuna). Talde bateko jokalariekin lortutako esperientzia praktikara eramatea da bloke praktikoa.
 
  • Derrigorrezkoa al da eskolara joatea?
  • Bai, prestakuntza erdi-presentziala da, eta ikasgelako presentzia dekretuak klase teorikoei dagokienez baimentzen digun gehienekora murriztu da, alderdi praktikoa funtsezkoa baita. Hori dela eta, aurrez aurreko eskoletara joatea nahitaezkoa da, eta % 90era arteko tarte txikia ematen da prestakuntza-modulu bakoitzeko.