Teknikari horrek kirol-hastapenaren esparruan jardungo du, snowboarda irakasteko saioak eginez neguko kirol-estazio bateko pista balizatuetan.

Splitboarden irakaskuntza berariaz uzten da bere jardun-eremutik kanpo.

Teknikari horrek snowboardaren praktikarekin zerikusia duen erakunde publiko edo pribatu baten barruan jardungo du beti.

Teknikari horrek berea baino goragoko mailako teknikari eta/edo profesionalen ikuskaritzapean jardungo du beti, eta honako erantzukizun hauek eskatuko zaizkio:

• Snowboarda irakastea, kirolariak oinarrizko ezagutzak lortu arte.
• Snowboarda irakasteko metodo eta material egokienak aukeratzea.
• Kirolarien aholkularitza snowboardaren praktikarekin lotutako alderdiei buruz.
• Jarduera garatu bitartean pertsonak edo taldeak dinamizatzea.
• Taldearen segurtasuna jarduera garatu bitartean.
• Neguko kirol-estazioetako ebakuazio-zerbitzuekin lankidetzan aritzea.
• Kirol-erakundeko arduradunak emandako jarraibide orokorrak betetzea.
• Haien ekintzak identifikatzea eta mendiko ingurumena zaintzen laguntzea.