Kirol-hastapenaren eremuan gauzatuko du jarduera teknikariak, eta kirolarien irakaskuntza eta ikaskuntza-saioak garatuko ditu.

Honako hauek berariaz daude haren jarduera eremutik kanpo:

• Mendi elurtuak eta horietan aurrera egiteko beharrezko izango dituen jarduerak, sokak edota eskalatzeko, alpinismorako, sakanen jaitsierarako edo mendiko eskirako behar dituen bestelako teknika edo material bereziak.
• Alpinismoaren irakaskuntza, sakanen jaitsiera, eskalada, mendiko eskia.

Teknikaria mendizaletasunarekin lotutako erakunde publiko edo enpresa pribatu baten barnean arituko da beti.

Teknikari honen lana bere maila baino handiagoko teknikariek eta/edo profesionalek gainbegiratuko dute oro har, eta hauek dira eskatzen zaizkion erantzukizunak:

• Mendizaletasuna irakastea, kirolariak oinarrizko ezagutzak eta trebetasunak barneratu bitartean.
• Metodo eta material egokienak hautatzea irakaskuntzarako. Mendizaletasunarekin zerikusia duten alderdiei buruz aholkuak ematea kirolariei.
• Pertsonak edo taldeak dinamizatzea, haiek jarduera egiten ari direnean.
• Taldearen segurtasuna zaintzea, haiek jarduera egiten ari direnean.
• Istripuren bat gertatuz gero edo gaixotasunen bat izanez gero, lehen laguntza ematea sendagilerik ez badago.
• Funtsezko sorospen-sistemak aplikatzea mendian.
• Kirol-erakundeko arduradunak emandako jarraibide orokorrak betetzea.
• Mendiko ingurumena zaintzen laguntzea.